ຄົນຮ້າຍບຸກຍິງ ສຳນັກງານໃຫຍ່ Youtube ບາດເຈັບ 3 ຄົນ (ວິດີໂອ)
ສຳນັກຂ່າວຕ່າງປະເທດລາຍງານເມື່ອວັນທີ 3 ເມສາ 2018 ທີ່ຜ່ານມາວ່າ: ເກີດເຫດບຸກຍິງສຳນັກງານໃຫຍ່ຂອງບໍລິສັດ Youtube ມີຜູ້ໄດ້ຮັບບາດເຈັບ 3 ຄົນ, ຂະນະທີ່ຜູ້ຕ້ອງສົງໄສທີ່ເປັນຜູ້ຍິງ (ເພດ) ເສຍຊີວິດໃນທີ່ເກີດເຫດ.
ສຳນັກງານຕຳຫຼວງເມືອງຊານບຼູໂນ ລັດຄາລິຟໍເນຍ ອອກຖະແຫຼງການເລື່ອງການບຸກຍິງສຳນັກງານໃຫຍ່ຂອງບໍລິສັດ Youtube ເມື່ອຕອນບ່າຍຂອງວັນອັງຄານ (3 ເມສາ) ຕາມເວລາທ້ອງຖິ່ນ ໂດຍຢູ່ບ່ອນເກີດເຫດພົບຜູ້ໄດ້ຮັບບາດເຈັບຢ່າງໜ້ອຍ 3 ລາຍ ເປັນເພດຍິງ 2 ຄົນ ອາຍຸ 32 ປີ ແລະ 27 ປີ ແລະ ຊາຍໜຶ່ງຄົນ ອາຍຸ 36 ປີໄດ້ຮັບບາດເຈັບສາຫັດ.
ຂະນະດຽວກັນເຈົ້າໜ້າທີ່ພົບຜູ້ເສຍຊີວິດ 1 ຄົນເປັນເພດຍິງ ເບື້ອງຕົ້ນຕັ້ງສົມມຸດຕິຖານວ່າຄືຜູ້ກໍ່ເຫດ ແລະ ເສຍຊີວິດຈາກການຂ້າຕົວຕາຍ ແຕ່ເຈົ້າໜ້າທີ່ສືບສວນຍັງບໍ່ມີການຕັ້ງສົມມຸດຕິຖານເຖິງແຮງຈູງໃຈໃນການກໍ່ເຫດຄັ້ງນີ້ ເຖິງແມ່ນວ່າສື່ທ້ອງຖິ່ນຫຼາຍແຫ່ງລາຍງານວ່າ ຜູ້ຮັບໄດ້ບາດເຈັບສາຫັດທີ່ເປັນຜູ້ຊາຍນັ້ນ ແລະ ຜູ້ກໍ່ເຫດແມ່ນມີຄວາມສຳພັນກັນ.
Was just briefed on the shooting at YouTube’s HQ in San Bruno, California. Our thoughts and prayers are with everybody involved. Thank you to our phenomenal Law Enforcement Officers and First Responders that are currently on the scene.— Donald J. Trump (@realDonaldTrump) April 3, 2018
ສັງຄົມອາເມຣິກາ ຕ້ອງປະເຊີນໜ້າກັບເຫດການບຸກຍິງ ແລະ ການຍິງກັນຫຼາຍຄັ້ງ ອັນເນື່ອງມາຈາກການເປີດເສລີຂອງກົດໝາຍອາວຸດປືນ ທີ່ກຳລັງເປັນຂໍ້ຖົກຖຽງກັນເປັນວົງກວ້າງໃນປັດຈຸບັນ, ເຖິງຢ່າງໃດກໍ່ຕາມ ມີໜ້ອຍຄັ້ງທີ່ຜູ້ກໍ່ເຫດຈະເປັນເພດຍິງ ໂດຍສະຖິຕິຂອງສຳນັກງານສືບສວນກາງ (FBI) ລະບຸວ່າ ຈາກເຫດບຸກຍິງ ຫຼື ຍິງກັນທີ່ມີຄົນຮ້າຍຫຼາຍກວ່າ 1 ຄົນ ໃນລະຫວ່າງປີ 2000 ເຖິງ 2013 ມີພຽງ 6 ຄັ້ງເທົ່ານັ້ນ ສ່ວນຄົນຮ້າຍທີ່ເປັນເພດຍິງມີພຽງ 3.8%
ສະແດງຄວາມຄິດເຫັນ