ຍົນໂດຍສານແບບ ATR-72 ຂອງສາຍການບິນອີຣານ ຕົກພ້ອມດ້ວຍ 66 ຊີວິດ

ສຳນັກຂ່າວຕ່າງປະເທດລາຍງານ 18 ກຸມພາ 2018 ວ່າ: ຍົນໂດຍສານແບບ ATR-72 ຍົນໃບພັດ ຜະລິດໃນເອີຣົບ ສາຍການບິນ Aseman Airlines ຂອງອີຣານ ບັນທຸກຜູ້ໂດຍສານ 60 ຄົນ ແລະ ຈຸບິນ 6 ຄົນ ອອກເດີນທາງຈາກສະໜາມບິນເມຣາບັດ ໃນນະຄອນຫຼວງເຕຫະຣານ ເມື່ອເວລາປະມານ 8:00 ຕາມເວລາທ້ອງຖິ່ນ ໄປຍັງເມືອງຢາຊຸດ ແຂວງອິດສະຟາຮານ ທາງພາກຕາເວັນອອກສຽງໃຕ້ ແຕ່ຍົນໄດ້ຕົກຢູ່ພູດີນາ ສ່ວນໜຶ່ງຂອງສາຍພູຊາກຣອສ ຈຸດທີ່ຕົກຢູ່ຫ່າງຈາກເມືອງຢາຊຸດ ປະມານ 23 ກິໂລແມັດ ແລະ ຫ່າງຈາກນະຄອນຫຼວງເຕຫະຣານໄປທາງທິດໃຕ້ປະມານ 500 ກິໂລແມັດ.

مشاهده دود در منطقه محل سقوط هواپیمای #تهران-#یاسوج/ معاون هلال‌احمر کهگیلویه و بویراحمد: به دلیل بارش شدید #باران و #مه غلیظ دید بیشتر از دو متر نداریم#سقوط_هواپیما #سقوط_هواپیما_یاسوج#اصفهان#Tehran#Yasuj#PlaneCrash#AsemanAirlineshttps://t.co/SykH67cYAz pic.twitter.com/qB3UMQC15T

— خبرگزاری تسنیم 🇮🇷 (@Tasnimnews_Fa) February 18, 2018

ທ່ານ ໂມຮຳເໝັດ ທາກີ ໂຄສົກສາຍການບິນ Aseman Airlines ກ່າວວ່າ ຖ້ຽວບິນ 3704 ຕົກຢູ່ພູດີນາ ເຊິ່ງມີຄວາມສູງ 440 ແມັດ ຜູ້ທີ່ຢູ່ເທິງຍົນເສຍຊີວິດທັງໝົດ 66 ຄົນ ລວມມີເດັກນ້ອຍ 1 ຄົນ ເບື້ອງຕົ້ນຍັງບໍ່ຮູ້ສາເຫດ ຕ້ອງໄດ້ລໍຖ້າການກວດສອບກ່ອງບັນທຶກຂໍ້ມູນການບິນ ທີ່ໜ່ວຍກູ້ໄພກຳລັງຄົ້ນຫາຢູ່ບໍລິເວນເກີດເຫດ ແຕ່ຈາກການລາຍງານເບື້ອງຕົ້ນຮູ້ວ່າ ສະພາບອາກາດມີໝອກລົງຕຶບໜາ ເຮັດໃຫ້ເຮລິຄອບແຕຂອງໜ່ວຍກູ້ໄພຍັງບໍ່ສາມາດເຂົ້າເຖິງຈຸດເກີດເຫດ.