ອາຊຽນ ມອບຕຳແໜ່ງເລຂາທິການໃຫຍ່ ໃຫ້ຄົນໃໝ່ຈາກປະເທດບຣູໄນ

ສຳນັກຂ່າວຕ່າງປະເທດລາຍງານ 5 ມັງກອນ 2018 ວ່າ: ສຳນັກງານເລຂາທິການສະມາຄົມປະຊາຊາດແຫ່ງອາຊີຕາເວັນອອກສຽງໃຕ້ (ອາຊຽນ) ໃນນະຄອນຫຼວງຈາກາຕາ ປະເທດອິນໂດເນເຊຍ ໄດ້ມີພິທີສົ່ງມອບຕຳແໜ່ງເລຂາທິການໃຫຍ່ອາຊຽນຄົນທີ 14 ໃຫ້ແກ່ທ່ານ ລິມ ຈັອກ ຮອຍ ໂດຍມີທ່ານ ນາງ ເຣດໂນ ມາຊູດີ ລັດຖະມົນຕີກະຊວງການຕ່າງປະເທດອິນໂດເນເຊຍ ແລະ ທ່ານ ເລ ເລືອງ ມິນ ເລຂາທິການອາຊຽນຄົນທີ 13 ທີ່ເປັນຄົນຫວຽດນາມ ຮ່ວມເປັນສັກຂີພິຍານໃນພິທີດັ່ງກ່າວ ທີ່ຈັດຂຶ້ນໃນວັນສຸກນີ້.

FM Retno Marsudi of #Indonesia congratulates and welcomes Dato Lim Jock Hoi as the new Secretary-General of #ASEAN during the handover ceremony at ASEAN Secretariat today. pic.twitter.com/wjvqT6b96y

— ASEAN (@ASEAN) January 5, 2018

ເຊິ່ງທ່ານ ລິມ ຈັອກ ຮອຍ ເປັນອະດີດຮອງລັດຖະມົນຕີກະຊວງການຕ່າງປະເທດ ແລະ ການຄ້າຂອງບຣູໄນ ຈະມີວາລະການດຳລົງຕຳແໜ່ງ 5 ປີ ແຕ່ 2018-2022 ແລະ ປະຕິບັດງານເປັນຫຼັກຢູ່ທີ່ສຳນັກງານໃຫຍ່ຂອງອາຊຽນ ໃນນະຄອນຫຼວງຈາກາຕາ, ຂະນະທີ່ຕຳແໜ່ງປະທານໝູນວຽນຂອງອາຊຽນ ປະຈຳປີ 2018 ແມ່ນ ປະເທດສິງກະໂປ ມີວາລະລະຫວ່າງວັນທີ 1 ມັງກອນ - 31 ທັນວາ 2018 ນີ້.