ປ.ທຣຳກ່າວ: ປຸ່ມນິວເຄຼຍບໍ່ໄດ້ມີແຕ່ເກົາຫຼີເໜືອ ທີ່ສຳຄັນຂອງ ສ.ອາເມຣິກາໃຫຍ່ກວ່າ ແລະ ໃຊ້ໄດ້ຈິງ

ສຳນັກຂ່າວຕ່າງປະເທດລາຍງານ 3 ມັງກອນ 2017 ວ່າ: ທ່ານ ໂດໂນ ທຣຳ ປະທານປະເທດສະຫະລັດ ອາເມຣິກາ ລົງຂໍ້ຄວາມໃນ Twitter ເມື່ອວັນອັງຄານທີ່ຜ່ານມາວ່າ: ທ່ານ ຄິມ ຈອງ-ອຶນ ກ່າວເມື່ອບໍ່ດົນມານີ້ວ່າ "ມີປຸ່ມນິວເຄຼຍຢູ່ເທິງໂຕະເຮັດວຽກຕະຫຼອດເວລາ" ແຕ່ຈະມີໃຜໃນປະເທດທີ່ອຶດຫິວແຫ່ງນັ້ນເຄີຍບອກຜູ້ນຳຂອງຕົວເອງແນ່ຫຼືບໍ່ວ່າ ປະທານປະເທດສະຫະລັດ ອາເມຣິກາກໍ່ມີປຸ່ມນິວເຄຼຍທີ່ວ່ານັ້ນຄືກັນ ແລະ ຍັງໃຫຍ່ກວ່າ, ມີພະລັງເໜືອກວ່າ ແລະ ທີ່ສຳຄັນໃຊ້ງານໄດ້ຈິງ".

North Korean Leader Kim Jong Un just stated that the “Nuclear Button is on his desk at all times.” Will someone from his depleted and food starved regime please inform him that I too have a Nuclear Button, but it is a much bigger & more powerful one than his, and my Button works!

— Donald J. Trump (@realDonaldTrump) January 3, 2018

ທ່າທີດັ່ງກ່າວຂອງທ່ານ ທຣຳ ເກີດຂຶ້ນພາຍຫຼັງທີ່ຜູ້ນຳສູງສຸດຂອງເກົາຫຼີເໜືອກ່າວເຖິງສະຫະລັດ ອາເມຣິກາ ໃນການຖະແຫຼງເມື່ອວັນປີໃໝ່ສາກົນທີ່ຜ່ານມາວ່າ ລັດສະໜີຂອງຂີປະນາວຸເກົາຫຼີເໜືອຄວບຄຸມທົ່ວດິນແດນຂອງສະຫະລັດ ອາເມຣິກາ ແລະ ປຸ່ມນິວເຄຼຍຢູ່ເທິງໂຕະຂອງຕົນຕະຫຼອດເວລາ ນັ້ນຄືຄວາມຈິງບໍ່ແມ່ນພຽງການຂົ່ມຂູ່.