ດ່ວນ...! ເສຍຊີວິດແລ້ວ 1 ຄົນ ຈາກເຫດກໍ່ການຮ້າຍໃນລອນດອນ ປະເທດອັງກິດ

ສຳນັກຂ່າວ BBC ລາຍງານວ່າ: ເຫດກໍ່ການຮ້າຍສະພາ ອັງກິດ ໃນກາງນະຄອນຫຼວງລອນດອນ ມີຜູ້ເສຍຊີິວິດຈາກເຫດການກໍ່ການຮ້າຍຄັ້ງນີ້ແລ້ວຈຳນວນ 1 ຄົນ ແລະ ອີກຫຼາຍຄົນໄດ້ຮັບບາດເຈັບ ໂດຍບາງຄົນມີອາກາດສາຫັດ ເຊິ່ງຜູ້ກໍ່ການຮ້າຍໄດ້ໃຊ້ຮູບການຂີ່ລົດຕຳຄົນໃນບໍລິເວນໃກ້ກັບອາຄານສະພາ ອັງກິດ ພ້ອມນີ້ຍັງມີລາຍງານວ່າໄດ້ຍິນສຽງປືນດັງຂຶ້ນຫຼາຍນັດໃນບໍລິເວນດັ່ງກ່າວ.

ສ່ວນໃນສະພາມີ ສສ ແລະ ເຈົ້າໜ້າທີ່ໃນອາຄານສະພາ ຫຼາຍຄົນຍັງຕິດຢູ່ໃນອາຄານດັ່ງກ່າວບໍ່ສາມາດອົບພະຍົບອອກມາໄດ້ ເພາະມີການປະກາດພົບເຫັນຫີບຫໍ່ຕ້ອງສົງໄສໃນຍານພາຫະນະຄັນໜຶ່ງວ່າອາດເປັນລະເບີດ ແລະ ຫຼ້າສຸດເຈົ້າໜ້າທີ່ໄດ້ນຳທີມເກັບກູ້ລະເບີດເຂົ້າກວດສອບແລ້ວ